-Аш-һыу бүлмәһендә йә баҡса эштәренән һуң ҡулдарҙы яҡшылап таҙартып алыр, тырнаҡтарҙы нығытыр, сөйәлләрҙе йомшартыр өсөн бер литр йылы һыуға бер сәй ҡалағы тоҙ һәм сәй содаһы һалып, ҡулдарығыҙҙы шунда тотоғоҙ.
-Сәй содаһын душ ингәндә гелгә ҡушһағыҙ, тән тиреһе өсөн яҡшы скраб килеп сығыр. Тәнгә һөртөп әҙерәк ышҡып алһағыҙ, тирегеҙ таҙарып, шымарып ҡалыр.
-Ярты сәй ҡалағы сәй содаһын битегеҙгә битлек яһағанда ҡушып ебәрһәгеҙ ҙә үкенмәҫһегеҙ. Тик битлекте йыуғандан һуң крем һөртөргә онотмағыҙ.
-Яратҡан шампунегеҙгә лә сода ҡушып алһағыҙ, йыуғандан һуң сәстәрегеҙ шымараҡ, йомшағыраҡ булыр, ялтырап торор. Ҡауаҡлап та аптыратмаҫ. Ә иң мөһиме бындай шампундән һуң бальзам ҡулланмаһағыҙ ҙа була.