Иртәнсәк нимә ашау файҙалы?

Емеш-еләк яратыусылар иртәләрен тәмле лә, файҙалы ла смузинан башлай ала. Смузи - ул емеш-еләк йәки йәшелсәләр, сәтләүек һәм кефир, йәки йогурт ҡушып блендерҙа болғатылған еңел ризыҡ. Бер нисә смузи рецепты тәҡдим итәбеҙ: Мүк еләге + гранат. Был смузи айырыуса ҡышҡы осорҙа иммунитетты нығытыу өсөн файҙалы булыр, сөнки унда организм өсөн кәрәкле антиоксиданттар күп. Смузи өсөн 100 г гранат емеше, 100 г мүк еләге, 120 г йогурт, ¼ ст һөт кәрәк. Барыһын бергә блендерға һалып болғатҡас файҙалы эсемлек әҙер булыр.

Еләк + кунжут орлоғо

Был рецептта төрлө емеш-еләк, хатта туңдырылғаны ла бара. Блендерға үҙегеҙгә оҡшаған 100 г емеш, 100 г гранат һуты, 100 г һыу, 0.5 аш ҡалағы кунжут орлоғо һалып болғатабыҙ. Стаканға ҡойғас өҫтөн тағы ла әҙерәк кунжут орлоғо менән биҙәйбеҙ.

Алма + банан + дәрсен (корица)

1 ҡыҙыл алма, 1 банан, 5 миндаль сәтләүеге, 100 мл һөт, 100 г йогурт кәрәк буласаҡ. Шулай уҡ барыһын бергә блендерға һалып болғатабыҙ ҙа өҫтөнә дәрсен һибәбеҙ. Смузи әҙер!

Геркулес + хөрмә + ҡабаҡ.

5 аш ҡалағы геркулесҡа 1 хөрмә, 100 г таҙартылған ҡабаҡ, 1 ст йогурт һалып блендерҙа яҡшылап болғатабыҙ.

Банан + хөрмә

Блендерға 1 ст ҡайнар һыу, 1 банан, 3 финик емеше, ¼ аш ҡалағы дәрсен һәм 1 семтем ванилин һалып болғатабыҙ. Был смузины эҫе килеш эсергә кәрәк.

Автор:Залия Байгускарова

Читайте нас:

Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.

Баш мөхәррир: Ә.М. Әйүпова.

Телефон

8 (34785) 2-15-26

Электрон почта

[email protected]

Реклама хеҙмәте

8 (34785) 2-11-09