Һуғанды көҙҙән сәсеп ҡалдырыу отошломо?

-Йыл һайын һуғанды иртә ҡар иреп, ер әҙерәк кибеү менән сәсә торғайныҡ. Ул йылдарҙа ла уңыш яҡшы булды. Ваҡытында ашлап, һуған себененә ҡаршы нашатырь спирты эретмәһе һибеп торһаң, уңыш шәп була. Һуғандың ябайын да, ҡыҙылын да сәсәбеҙ. Ә былтыр һуғанды көҙ сәсеп ҡарарға булдым. Сортын да ҡарап торманым, ниндәй орлоҡ һуғаны таптым, шуны сәстем. Түтәл әҙерләгәндә янған тиреҫ менән бергә серей башлаған тауыҡ тиҙәге лә һалдыҡ. Быйыл яуындар күп булғас, һуған түтәленә бер-ике тапҡыр ғына һыу һибергә тура килде. 

Әйткәндәй, Сабитовтар һуған һәм һарымһаҡты ҡаҙып алғандан һуң һабағы тулыһынса кибеп бөткәнсе еләҫ урында һалып торалар. Бының өсөн самалап 2-3 аҙна ваҡыт китә. Артабан һабаҡтарын ҡырҡып алып пластик йәки картон йәшниктәргә һалып ҡуйырға ғына ҡала.