Сәскә атҡанға тиклем мотлаҡ! Бер күнәккә - 2 кг

Үҙ участкаңда виноград үҫтереү еңел түгел. Сыбыҡтары көслө, емештәре татлы һәм һутлы булһын өсөн дөрөҫ тәрбиә кәрәк. Төп этаптарҙың береһе — дөрөҫ туҡландырыу. Виноград япраҡтары менән генә түгел, мул уңыш менән дә ҡыуандырһын өсөн нисек, ҡасан һәм нимә менән ашламаларға кәрәк һуң?

Күп йылдар үҫкән виноградҡа ашлама кәрәкмәй, ул барыһын да ерҙән ала, тигән фекер йәшәй. Ысынында иһә хәл киреһенсә. Ҡыуаҡ ни тиклем олораҡ булһа, шул тиклем күберәк туҡлыҡлы матдәләр ҡуллана. Төп туҡланыу проценты сәскә атҡан һәм емеш биргән осорҙа талап ителә.

Йәш үҫентеләр тәүге ике йылда ултыртыу ваҡытында индерелгән ашламалар менән туҡлана. Ә бына өлгөргән ҡыуаҡҡа был ғына етмәй. Миҙгел эсендә кәм тигәндә өс тапҡыр өҫтәмә туҡландырыу индерергә кәрәк:

– Сәскә атҡанға тиклем яҡынса бер аҙна алдан

– Емешләнгәс – сәскә атҡандан һуң ике аҙна үткәс.

– Емеш өлгөрөүгә яҡынса 10 көн ҡалғас.

Ике ысул бар: тамырға (ашламалар ҡыуаҡ аҫтына индерелә) һәм тамырҙан тыш (япраҡтарға һибеү). Икеһе лә кәрәк, шулай ҙа төп ризыҡты виноград тамырҙары аша ала.

Тамыр туҡландырыу тәрәнерәк һәм оҙаҡҡараҡ етә. Япраҡтарға һибеү "ашығыс ярҙам" һымаҡ – микроэлементтар етешмәүен тиҙ арала ҡапларға ярҙам итә. Айырыуса стресс ваҡытында файҙалы, мәҫәлән, ҡырауҙан йәки оҙайлы ямғырҙарҙан һуң.

Сәскә атҡансы шыйыҡ ашламалар айырыуса файҙалы. Ябай варианттарҙың береһе – һыйыр тиҙәге нигеҙендә туҡландырыу. Бер күнәк һыуға 2 килограмм тиреҫ өҫтәгеҙ. Был күләм яҡынса квадрат метрға етә.

Тауыҡ тиҙәген дә ҡулланырға мөмкин, әммә һағыраҡ булырға кәрәк – уның концентрацияһы юғары. 10 литр һыуға 40 грамдан артмаһын. Яҡшылап болғатып виноград ҡыуаҡтарының төбөнә ҡойорға кәрәк.