Баҡса еләктәрен ашландырыу

Баҡса еләген иртә яҙҙан, ҡар иреп бөтөү менән туҡландыра башлар кәрәк.

Беренсе туҡландырыуҙа 10 л һыуға бер шырпы ҡабы карбамид (мочевина) ҡушып болғатып, һәр төпкә 0,5 л иҫәбенән ҡойоп сығыр кәрәк.

Икенсе тапҡыр ашландырыуҙы сәскәгә тумалған сағында башҡарыр кәрәк. 100-150 г ағас көлөн 10 л һыуҙа бутап, һәр төпкә 0,5 л һибергә.

Өсөнсө туҡландырыу сәскә ата башлағас башҡарыла. 10 л һыуға 5 г бор кислотаһы ҡушып болғатырға, әҙерәк төнәткәс еләктәргә ҡойоп сығырға. Бор үҫентеләрҙе төрлө бөжәктәрҙән һәм бәшмәк ауырыуҙарынан һаҡлаясаҡ.

Еләктәрегеҙ ишелеп уңһын!