Эш барышы ошолай:
1. Кәрәгенсә күҙҙәр йыйып, 5-10 см киңлегендә резинка бәйләйбеҙ. Һуңғы күҙҙәр тиҫкәре (изнаночные) булырға тейеш.
2. Шәл бәйләме менән 3 см бәйләйбеҙ.
3. Күҙҙәрҙең яртыһын бөтөрәбеҙ. Йәғни ике яҡ ситтән бөтөрәбеҙ, ә урта шул килеш ҡала. Мәҫәлән, һеҙҙә 30 күҙ икән, ике яҡтан да 7-шәр күҙҙе бөтөрәбеҙ, уртала 16 күҙ ҡала.
4. Шәл бәйләме менән табандың яртыһы оҙонлоғо самаһында бәйләйбеҙ.
5. Артабан ике яҡтан да, йәғни энә башында ла, аҙағында ла, кәметә барабыҙ. Энәлә 6 күҙ ҡалғансы бәйләргә.
6. Унан киреһенсә, ике яҡтан да арттырып, 16 күҙ булғанса бәйләйбеҙ.
7. 4-се аҙымды ҡабатлайбыҙ.
8. 5-се һәм 6-сы аҙымдарҙы ҡабатлайбыҙ.
9. Бәйләмде бөтөрәбеҙ.
Инде тегергә ҡалды. Башта - үксәне, унан - табанды, аҙаҡ резинканы тегәбеҙ.