Һиндостанда туберкулезды дауалайҙар, япондар уны күп сирҙән файҙалана

Ҡабаҡтың шифаһы күптән билдәле. Һиндостанда уның менән туберкулезды дауалайҙар, япондар уны күп сирҙән файҙалана. Беҙҙең ата-бабалар ҙа ҡабаҡты дарыу урынына ҡулланған.

Унда эсәктәр эшмәкәрлеген көйләүсе матдәләр бар. Эс ҡатҡанда ҡабаҡ – бик яҡшы сара. Бынан тыш, ул үт ҡыуығы эшмәкәрлеген көйләй, йыуан эсәктәге елһенеүҙе бөтөрә.

– Бөйөрөгөҙ ауыртһа, көн һайын ҡабаҡ һуты эсегеҙ. Уның һабағы ла бик файҙалы. 2 ҡалаҡ кипкән һабаҡтың өҫтөнә һыу ҡойоп, 3 сәғәт төнәтегеҙ. Һуңынан һөҙөп, иртәле-кисле ярты стакан эсегеҙ.

– Бөйөргә ҡабаҡ орлоғо төнәтмәһенең дә шифаһы ҙур: бер ҡалаҡ орлоҡҡа бер стакан һыу ҡойоп, сәй урынына эсегеҙ.

– Ҡабаҡ каротинға ла бай. Шуға окулистар күҙҙәре насар күргән кешеләргә ҡабаҡ һуты эсергә тәҡдим итә.

– Бал менән ҡабаҡ төнәтмәһе – йоҡлай алмай интеккәндә яҡшы сара. Ә сәскәһенең төнәтмәһе менән оҙаҡ төҙәлмәгән эренле яраларҙы сайҡарға мөмкин.

– Орлоғон күптәр көнбағыш урынына сиртергә ярата. Йыуан эсәктәге паразиттарҙан ҡотолоу өсөн яҡшы сара ул.

– Ҡабаҡ орлоғо токсикоз менән интегеүселәргә лә файҙалы. Ярты стакан орлоҡ күңел болғаныуынан ҡотолдорор.

Кәңәштәрҙе ҡулланыр алдынан табип менән һөйләшергә, аныҡ диагноз ҡуйырға, үләндәргә аллергия юҡлығын тикшерергә кәрәклекте онотмағыҙ.