Ҡышҡылыҡҡа помидор ултыртабыҙ?!

1. Октябрь аҙағында – ноябрь башында, тәүге һыуыыҡтар төшкәс, баҡсала 15-20 см тәрәнлектә соҡорҙар ҡаҙығыҙ.
2. Һәр соҡорға берәр помидор һалығыҙ.
3. өҫтәнә тупраҡ һалығыҙ һәм бер аҙ тығыҙлағыҙ (томат 10 см тирәһе күмелергә тейеш).
4. Өҫтән 10-15 см ҡалынлыҡта (күберәк тә мөмкин) ҡоро япраҡтар менән күмегеҙ.
5. Ел осормаһын өсөн япраҡтар өҫтөнә тишекле йәшник ҡуйығыҙ
6. Ҡар яуыу менән уны помидор ултыртҡан урынға өйөргә кәрәк.
7. Яҙын, тупраҡ йылынғас, япраҡтарҙы алығыҙ.

Һәр төптән бер тотом помидор үрсетмәләре үҫеп сығасаҡ. Уларҙы ҡырауҙан һаҡларға кәрәк буласаҡ. Әҙерәк ҙурайғас, ҡаҙып алып, түтәлдәргә ултыртып сығырға ғына ҡала. Был ысулдың ыңғай яҡтары: беренсенән, яҙын үрсетмә үҫтерәм тип интегергә кәрәкмәй, икенсенән, был рәүешле үҫтерелгән томаттар, тәбиғи сынығыу үткәнгә күрә, һыуыҡтарға, ауырыуҙарға бирешеп бармай һәм күберәк уңыш бирә.