Алиссумды рассада ысулы менән март һәм апрель айҙарында үҫтерә башларға мөмкин. Ғәҙәттә был сәскә сәскән көндән алып ике ай үткәндән һуң сәскә ата.
Уны сәсер өсөн сәскәләр һәм рассада өсөн тәғәйенләнгән махсус грунт кәрәк. Маркаһы мөһим түгел. Йәки өй шарттарында берәр өлөш торф, ваҡ ҡом һәм тиреҫ ҡушып бутарға лә әҙерәк вермикулит өҫтәргә була. бәшмәк ауырыуҙарынан һаҡланыу өсөн тупраҡҡа фитоспорин һибеп сығырға ла була.
Үҫентеләр сәсеү өсөн һауыт 8 сантиметрҙан да бейек булмаһын. Тупраҡтың өҫтөнә орлоҡтарҙы һибеп сыҡҡас йоҡа ғына итеп тупраҡ йәйәбеҙ ҙә, пульверизаторҙан йылымыс һыу һиптереп сығабыҙ. һауыттың өҫтөн шыптыр йәки быяла менән ҡапларға кәрәк.
Шытымдар +18...+22 градустағы бүлмәлә 4-5 көндә килеп сығасаҡ. Ваҡыты-ваҡыты менән үҫентеләрҙе асып елләтеп алығыҙ.