Бер күнәккә өс грамм

Тәжрибәле баҡсасылар май айында кишерҙе һирәкләткәндән һуң культураны туҡландыра. Тап ошо ваҡытта тамыраҙыҡ формалаша башлай һәм уңыш һутлы, ҙур, татлы булһын өсөн туҡландырыу кәрәк.

Иң һөҙөмтәле рецепттарҙың береһе — марганец һәм бор кислотаһы эретмәһе, ул кишерҙе үҫеүенә булышлыҡ итә һәм иммунитетын нығыта.

Өҫтәмә туҡландырыу әҙерләү инструкцияһы:

10 литр һыуға 3 г марганцовка һәм 2 г бор кислотаһы өҫтәп болғатырға. Алынған эретмә яҡынса 3-4 квадрат метр түтәлгә һыу һибеүгә иҫәпләнгән.

Нисек ҡулланырға:

– эшкәртеү алдынан тамырҙар янмаһын өсөн үҫемлектәргә таҙа һыу һибеү зарур;

– үҫемлектәрҙе туҡлыҡлы ҡатнашма менән һуғарырға;

– өс аҙнанан процедураны ҡабатларға кәңәш ителә.

Марганец ауырыуҙарға һәм сереүгә ҡаршы көрәшергә ярҙам итә, ә бор алмашыу процестарын көсәйтә һәм төҙ, сағыу төҫлө тамыраҙыҡтар барлыҡҡа килеүенә булышлыҡ итә. Шулай уҡ йыйылған уңыш яҡшыраҡ һәм оҙағыраҡ һаҡлана.