Һауа торошо

Башҡортостанда алдағы ике көндә йылы һәм ямғырлы һауа торошо һаҡланасаҡ. Башгидромет синоптиктары хәбәр итеүенсә, республикала урыны менән ямғыр һәм боҙ-борсаҡ яуыуы көтөлә. Бөгөн көндөҙ республика буйынса урыны менән ҡыҫҡа ваҡытлы ямғыр яуасаҡ. Айырым райондарҙа йәшен, көндөҙ боҙ-борсаҡ көтөлә. Ел төньяҡтан, төньяҡ-көнбайыштан талғын, көндөҙ йәшен йәшнәгәндә көсәйеүсән. Һауа температураһы көндөҙ - 21-26 градус йылы. Дүшәмбе, 20 июндә, төндә урыны менән, көндөҙ республикала ҡыҫҡа ваҡытлы ямғыр яуыуы фаразлана. Айырым райондарҙа йәшен, көндөҙ боҙ-борсаҡ. Ел төньяҡтан, төньяҡ-көнбайыштан талғын, көндөҙ йәшен йәшнәгәндә көсәйеүсән. Һауа температураһы төндә - 10-15, көндөҙ 18-23 градус йылы.