Фәрит хәҙрәт Вәлиев, Иҫәнғол мәсете имамы:
- Әссәләмәғәләйкүм! Ураҙа сәләмәтлеккә зыян килтермәй. Хатта бер хәҙистә: “Тот ураҙа, сәләмәт булырһың”, – тип әйтелә. Беҙ ураҙаны сәләмәтлек өсөн, йә иһә ябығыр өсөн түгел, Раббыбыҙ ризалығы өсөн тип тотабыҙ. Әгәр уны Хаҡ Тәғәлә ҡабул итеп, ураҙа ғибәҙәтенән ебәрһә – ҡалғанын Раббыбыҙ Үҙе белеүсе. Әгәр сәләмәтлегебеҙҙе генә уйлап, йәки ябығыр өсөн – ауырлығыбыҙ кәмеһен тип кенә ураҙа тотһаҡ, бының файҙаһы фәҡәт донъялығыбыҙ өсөн була. Кеше күрһен, башҡалар мине ураҙалы тип әйтһен өсөн генә йөрөһәк, был бигерәк тә гонаһлы. Ә сирле кеше, әгәр уға дарыу ҡабырға кәрәк икән, сәләмәтлегенә зыян килерлек икән – ураҙа тотмаҫҡа.