Иҫәнғол барында хәүеф бар

Кеше һәм закон

Иҫәнғол барында хәүеф бар

Ейәнсура районы прокуратураһы 2019 йылдың тәүге яртыһында эш планын үтәү йөҙөнән МЧС белгестәрен йәлеп итеп, 50 кешенән күберәк кеше һыйҙырышлы урындағы кафе-барҙарҙа янғын хәүефһеҙлеге талаптары үтәлешен тикшерҙе.

Ике кафе-барҙың эшмәкәрлегендә янғынға ҡаршы талаптарҙың тупаҫ боҙолоуы асыҡланды. Мәҫәлән, бүлмәләрҙә янғын сигнализацияһы датчиктары, янғын тураһында кешеләргә хәбәр еткереү системаһы, янғын щиты, эвакуация планы, эвакуацияла сығыу урыны булманы, берҙән-бер эвакуация юлында тиҙ янып китеүсән материалдарҙан бүлкә файҙаланыуға, көнкүреш сүп-сарын һаҡлауға юл ҡуйылғайны.

Шул уҡ ваҡытта уларҙа табак нигеҙендә кальян тартыу буйынса хеҙмәттәр бик әүҙем тәҡдим ителде – ә йәмәғәт туҡланыуы йорттарында был бөтөнләй рөхсәт ителмәй.

Ошо факттар буйынса район прокуратураһы тарафынан ҡуҙғатылған административ эштәр буйынса шәхси эшҡыуарҙар Рф КоАП-ының 20,4 статьяһының 1-се өлөшө буйынса (янғын хәүефһеҙлеге талаптарын боҙоу) административ яуаплылыҡҡа тарттырылды.

Прокурор күрһәтмәһенә һәм судҡа ебәрелгән дәғүә ғаризаһы буйынса кафе-барҙарҙың береһенең бинаһы янғынға ҡаршы ҡануниәт талаптарына тап килтерелде, ҡағиҙә боҙоуҙарҙы бөтөргәнгә тиклем икенсеһенең эшмәкәрлеге туҡтатылды.

Т. Йәнбәков, район прокуроры урынбаҫары.