ЯТЫП ҠАЛМА, АТЫП ҠАЛ!

Иҫегеҙгә төшөрәбеҙ, 2018 йылдың икенсе ярты йыллығына матбуғат баҫмаларын почта аша алдырыусыларҙы дәртләндереү маҡсатында “Аҙна һайын бүләк!” акцияһы дауам итә. Был акцияла әүҙем ҡатнашҡандар беренсенән – бүләк отоп ҡыуана, икенсенән – аҙнаһына ике тапҡыр “Ейәнсура таңдары”н ҡулына алып һөйөнә.

Акцияның сираттағыһында бүләк уйнатыуҙа Иҫәнғол ауылынан даими уҡыусыбыҙ Фәрзәнә Юлтимерова ярҙам итте. Уның ырыҫлы ҡулынан бүләктәр түбәндәге гәзит уҡыусыларыбыҙға сыҡты. Фото рамы – А. Китикова (Яңы Павловка, З. Биишева урамы), Гөлсиә Ваһапова (Яңы Павловка, З. Биишева урамы), Л. Мортазина (Мәзит, Оло Өҫкәлек урамы); сынаяҡ һәм аҫты – Л. Яҡупова (Үрген, Йәштәр урамы), Салат һауыттары йыйылмаһы – Сәғит Рәхмәтуллин (Иҫәнғол, Йәштәр урамы) һәм стена сәғәте Зәйнәғетдин Ғөбәйҙуллин (Иҫәнғол, Комсомол урамы) өлөшөнә насип булды. Даланлыларҙы ҡотлайбыҙ һәм бүләктәрен эш көндәрендә редакцияға килеп алыуҙарын һорайбыҙ. Үҙегеҙ менән паспорт, СНИЛС һәм ИНН алырға онотмағыҙ!

Бүләк уйнатыу алдағы аҙналарҙа ла дауам итәсәк. Кем дә кем яҙылып өлгөрмәгән – яҙылығыҙ һәм квитанция күсермәһен редакцияға килтереп, махсус йәшниккә һалығыҙ! Килергә мөмкинлегегеҙ булмаһа, квитанцияғыҙҙы фотоға төшөрөп, “Бәйләнештә” сайтындағы рәсми төркөмөбөҙгә (vk.com/tandari) ебәрегеҙ. Кем белә, бәлки киләһе дүшәмбелә үтәсәк бүләк уйнатыуҙа бәхет тап һеҙгә йылмайыр?! Ятып ҡалғансы, атып ҡалығыҙ!