ИҢ ЯҠШЫ ПОЧТАЛЬОН

“Ейәнсура таңдары” һәм “Зианчуринские зори” район гәзиттәрен таратыуҙа уңғанлыҡ, әүҙемлек күрһәткән почтальондарыбыҙҙы дәртләндереү маҡсатында конкурс үткәрергә булдыҡ. “Иң яҡшы почтальон” бәйгеһе 15 апрелдән 30 июнгә ҡәҙәр дауам итә. Еңеүселәрҙе билдәләү өсөн төп талап – икенсе ярты йыллыҡҡа гәзиткә яҙылыусылар һаны тәүгеһенән күберәк булырға тейеш. Ҡайһы почтальондың күрһәткесе иң яҡшыһы – ул еңеүсе!

Иҫәнғол һәм ауылдар почта элемтәһе бүлексәләре почтальондары араһында 2-шәр еңеүсе билдәләнәсәк. Конкурс һөҙөмтәләре “Ейәнсура таңдары” һәм “Зианчуринские зори” район гәзиттәрендә иғлан ителәсәк.

Еңеүселәрҙе аҡсалата премия көтә!