Әлегә – бензобысҡы, ҡалғандары – сюрприз

Матбуғат – 2020 Әлегә – бензобысҡы, ҡалғандары – сюрприз Хөрмәтле дуҫтар! 2020 йылдың тәүге яртыһына “Ейәнсура таңдары” гәзитенә яҙылыусылар араһында декабрь аҙаҡтарында ғәҙәттәгесә бүләктәр уйнатыласаҡ. Ярты йыл буйы район гәзитен уҡып бер кинәнһәгеҙ, шул уҡ ваҡытта хәтәр генә приз отоу мөмкинлеге лә бар. Бүләк уйнатыуҙа ҡатнашыу өсөн гәзиткә яҙылырға ла, квитанция күсермәһен редакциялағы махсус ҡумтаға төшөрөргә кәрәк. Әлегә приздарҙың береһен сер итеп кенә гәзит уҡыусыларыбыҙға күрһәтәбеҙ, ҡалғандары сюрприз булып торһон. Бынан тыш гәзит аҙна һайын интернет селтәрендәге “Бәйләнештә” төркөмөндә уйын уҙғара, унда ла ҡатнашып бүләк отоу мөмкинлеге бар. Хөрмәтле гәзит уҡыусылар! Матбуғатҡа яҙылыу кампанияһы тамамланырға ла бик аҙ ваҡыт ҡалды. Алдағы йылда ла таңдарҙы “Таңдар” менән аттырыр өсөн гәзиткә яҙылырға ашығығыҙ. Бергә булдыҡ, бергә ҡалайыҡ, дуҫтар!