Кисәге һорау райондаштарҙа әллә ни ауырлыҡтар тыуҙырмаҫ тип уйлағайныҡ. Әммә варианттарҙың төрлөлөгө уның бигүк еңел булмауын күрһәтә. Ә яуап былай ине: 2019 йылда Башҡортостан Республикаһының атҡаҙанған артисы исеменә яҡташыбыҙ, Мәжит Ғафури исемендәге Башҡорт академия драма театры актеры Артур Рауил улы Ҡунаҡбаев лайыҡ булды. Дөрөҫ яуаплаған төркөмдәштәр Нәркәс Мөхәмәтйәнова, Рәүфә Аҫылғужина, Фәимә Исхаҡова, Резеда Юланова, Гүзәл Атнағолова, Фәниә Яҡшыбаева, Эльмира Дәүләтшина, Айна Иманғолова һәм Фәйрүзә Ғөбәйҙуллина иҫәбенә – йәнә берәр мәрәй.