#апрель_бәйгеһе

Сәләм, дуҫтар! Апрель бәйгеһенең йәнә бер кисен һеҙҙең менән бергә үткәреүебеҙгә шатбыҙ! Рәхмәт һеҙгә беҙҙең менән ҡалғанға!

Кисәге һорауға килгәндә, унда һүҙ, әлбиттә, Уильям Ригли хаҡында бара. Атаһы һабын етештереүсе булғас, Уильям бала сағынан уҡ һатыу эшен үҙ итә һәм ҡасандыр үҙенең эшен асыу хаҡында хыяллана. Хыялын тормошҡа ашырыу өҫтөндә күп эшләй. Хәҙер киң билдәле булған маркетинг, реклама ысулдарын тәүгеләрҙән булып ҡуллана. Тырышлығы бушҡа булмай - башта бушлай таратҡан Wrigley's Spearmint (һүрәттә уның тәүге рекламаларының береһе) исемле һағыҙҙары иһә бөгөн, быуаттан ашыу ваҡыт үтеүенә ҡарамаҫтан, күп илдәрҙә бик популяр. Дөрөҫ яуапты атаған Зөлфиә Мөхәмәтйәнова-Агишева, Гүзәл Атнағолова, Гүзәл Йылҡыбаева, Нәркәс Әхмәрова, Зөлфиә Аҡсурина, Гөлназ Ҡылысбаева, Гөлгөнә Яхина, Фәимә Исхаҡова, Фәйрүзә Ғөбәйҙуллина, Эльмира Дәүләтшина йәнә берәр мәрәйле булды.

Ә бөгөнгө кистә һеҙгә шаян мәсьәлә сисергә тәҡдим итәбеҙ. Яуаптарҙы “сообщение” менән иртәгәгә тиклем ҡабул итәбеҙ. Уңыштар!