Беҙҙекеләр һынатманы!

Кисә Бөрйән районында Сәләмәтлек һәм әүҙем оҙон ғүмерлелек йылы сиктәрендә Урал аръяғы муниципаль район хакимиәте хеҙмәткәрҙәренең спартакиадаһы үтте. Был 1999 башлап үткәрелгән спорт һәм дуҫлыҡ сараһында Бөрйән, Әбйәлил, Баймаҡ, Йылайыр, Ейәнсура, Хәйбулла, Күгәрсен, Учалы райондары һәм Сибай ҡалаһы хакимиәттәренән 9 команда ҡатнашты. Спорт һөйөүселәр волейбол, дартс, уҡтан атыу, арҡан тартышыу, күңелле старттар, йөҙөү буйынса көс һынашты. Беҙҙең район командаһы ла лайыҡлы сығыш яһап, спорт бәйгеләренән һәм дуҫтарса осрашыуҙан дәрт-дарман алып ҡайтты.