Иғтибар! Яңы бәйге!

"Мин һәм спорт" фотобәйгеһендә иң кескәйҙәрҙән алып, өлкән йәштәгеләргә тиклем ҡатнаша ала. Шарттары бик ябай.   Төркөмдәштәребеҙ араһында һайлаған һөнәренә, биләгән вазифаһына, сәләмәтлек торошона ҡарамаҫтан, ниндәй ҙә булһа спорт төрөн үҙ итеп, уның менән даими шөғөлләнгән, ярыштарҙа ҡатнашҡан, уңыштарға өлгәшкән райондаштарыбыҙ бихисап. Шулай уҡ ярыштарға сыҡмаһалар ҙа, үҙҙәренең сәләмәтлеге өсөн теге йәки был спорт төрөнә (скандинавса йөрөү, волейбол, теннис, йүгереү һ.б.)  өҫтөнлөк биреүселәр етерлек. Маҡсатыбыҙ - уларҙың өлгөһөндә башҡаларҙы ла әүҙем тормошҡа ылыҡтырыу. 

Бәйгелә ҡатнашыу өсөн үҙегеҙҙең яратҡан спорт төрөгөҙ (шахматмы ул, йөҙөүме, әллә көрәшме йәки башҡа бихисап төрҙәрҙең береһеме) менән шөғөлләнгән мәлдә төшкән, йә яулаған миҙал-кубоктарығыҙ менән төшкән фотоһүрәтте "Предложить новость" тип, төркөмгә һалырға, фотоға кем, ҡасан, ҡайҙа төшөүе тураһында аңлатма яҙырға кәрәк. Кескәй спорт һөйөүселәргә ата-әсәйҙәре, өләсәй-ҡартайҙары ярҙамға килер, моғайын. Тәҡдим ителгән постҡа #Ет_спорт тип хештег ҡуйырға ла онотмағыҙ!

• Фотоһүрәттәр теүәл 10 көн, йәғни 13 август, сәғәт иртәнге 9.30-ға тиклем ҡабул ителә.
• 13 август сәғәт 11.30-ҙан алып, 15 август 11.30-ға тиклем тауыш биреү барасаҡ.  

Пы.сы. Тәүге булып, башлап китеү һәр ваҡытта ла ауыр. Быны яҡшы беләбеҙ һәм аңлайбыҙ. Шуға ла иң тәүге ҡатнашыусыбыҙға махсус дәртләндереү бүләге лә әҙерләгәнбеҙ! Әйҙәгеҙ, төркөмдәштәр, әүҙемерәк!