Сарала башҡорт халҡының мәҙәниәте, сәнғәте тураһында һүҙ алып барҙык. Ял итеүселәрҙе башҡорт фольклорының төп жанрҙары, халҡыбыҙҙың беҙҙең көндәргә саҡлы һаҡланып ҡалған төп ҡиммәттәре – ауыҙ-тел ижады менән таныштырҙыҡ. Уҡыусыларға - дуҫлыҡ, тоғролоҡ, ҡыйыулыҡ, зирәклек, тәбиғәткә һаҡсыл ҡараш кеүек төшөнсәләрҙе аңлаттыҡ.
Халҡыбыҙ борон-борондан киләсәк быуынды тәрбиәләүгә ҙур иғтибар биргән. “Баланың кем икәнен белгең килһә, уйынына ҡара” тигәндәр. Ял итеүсе дуҫтарыбыҙ менән бергә күңел асып, башҡорт халыҡ уйындарын уйнаныҡ. Күптәргә таныш һәм яратып уйналған "Беҙ ун ике ҡыҙ инек", «Аҡ тирәк, күк тирәк», «Төлкө менән тауыҡтар», "Ҡап та ҡоп" уйындарын ойошторҙоҡ.
Бында ял иткән балаларҙың бер-береһе менән шул тиклем дуҫлашҡаны күҙгә күренеп тора. Күрәһең, башҡорт моңо аңҡып торған мөхиттә йәшәү, үҙ-ара тик туған телдә аралашыу уларҙың күңеленә ыңғай тәьҫир итәлер. Балаларға ҡанат та ҡуя, маҡсатлы йәшәргә көс -дәрт тә бирә “Йәйләү”.
@d.biblioteka2016