Бөтә донъя фольклориадаһы. Башҡортостан күпме аҡса тотонасаҡ?

Республика бюджетында киләһе йылда Бөтә донъя Фольклориадаһын үткәреүгә 300 миллион һум һалынған. БР Дәүләт Йыйылышының аграр комитеты ултырышы мәлендә финанстар министры Лира Иғдисамова был күләмле донъяуи сараны уҙғарыуға төбәк федераль үҙәктән финанс ярҙам өмөт итә тип билдәләне.

Бөтә донъя Фольклориадаһы 2020 йылдың 18 июленән 1 авгусына тиклем уҙасаҡ. Бындай сара дүрт йылға берҙе ойошторола һәм кешелек мәҙәни мираҫының күп төрлөлөгөн асырға булышлыҡ итә. Киләһе йылда Башҡортостанда 80 илдән өс меңдән ашыу артист килеп, үҙ милләттәрен күрһәтәсәк. Тамашасыларға традицион музыка, аш-һыу, халыҡ кәсептәре, костюмдар, сәхнә оҫталығы тәҡдим ителәсәк.