"ЙәйләүТур" гөрләне

Ямашлы һыуһаҡлағысы буйындағы "Ожмах мөйөшө" ял итеү базаһында үткән сарала район хакимиәте башлығы Дәмин Юланов, бренд саралары конкурсы баһалама ағзалары, Һүрәм ауыл биләмәһенән сыҡҡан күренекле шәхестәр, ҡунаҡтар ҡатнашты.

Башҡорттарҙың ғөрөф-ғәҙәттәрен сағылдырған тирмә, төрлө ҡулайламалар, "Талҡан", "Ейәнсура балы" ЯСЙ-лары, биләмә халҡы тәҡдим иткән талҡан, бал, миндек, үлән сәйҙәре, дебеттән бәйләнгән әйберҙәрҙән торған күргәҙмә барыһының да күңеленә хуш килде.