+23 °С
Облачно
Новости
13 Августа 2021, 12:15
Музейҙа осрашыу
Бөгөн Ейәнсура районының тарих һәм тыуған яҡты өйрәнеү музейында спорт ветерандары менән осрашыу булды. Был сараны музей директоры Миҙхәт Хаммат улы Асылбаев асып, бай йөкмәткеле әңгәмә ҡорҙо. Тантана уңайынан йыйылған спорт һөйөүселәрҙе Сабит Фазлыев ҡотланы.
Музейҙа осрашыу
Иртәгә - Физкультурниктар көнө. Һуңғы йылдарҙа районында спортҡа һәм сәләмәт тормош алып барыуға ҙур иғтибар бирелә һәм күп төрлө саралар үтә. Сараларҙа ҡарты-йәше әүҙем ҡатнаша. Пандемия осоронда ла халыҡты сәләмәт тормош алып барыуға һәм спортҡа ылыҡтырыуҙа ҙур этәргес булған төрлө ярыштар үткәреү - үҙе үк сәләмәт тормошҡа бер аҙым. Юҡҡамы ни сәләмәт тәндә- сәләмәт рух, тимәйҙәр бит.
