Колбасаң да кәрәкмәй

Уның рецебы бик ябай: тауыҡтың түш итен һөйәгенән айырып алабыҙ. Яҡшылап һалҡын һыу менән йыуғас, бер аш ҡалағы тоҙ һалып, өҫтөнә сыҡҡансы һыу ҡойоп, 1-1,5 сәғәт тоҙло һыуҙа тотабыҙ. Унан алғас, ентекле сайҡатабыҙ ҙа ҡағыҙ таҫтамалға һыуын һарҡытырға һалабыҙ. Һарҡҡас, маринадта әйләндереп тотоп алабыҙ, иттең араһына һарымһаҡ та ҡыҫтырғылап ебәрһәң, сәпсим тәмле була! Маринад өсөн: 1 аш ҡалағы үҫемлек майына ҡара һәм ҡыҙыл борос һалып болғайбыҙ. Махсус тәмләткес үлән өҫтәргә лә була. 250 градусҡа тиклем ҡыҙған мейестә (духовкала) 15-20 минут тотабыҙ ҙа һүндерәбеҙ. Духовка һыуынғансы асмайбыҙ. Яҡынса 6 сәғәт ваҡыт үтә. Ашығыҙ тәмле булһын!