Бөтә яңылыҡтар
Һорау-яуап
31 Октябрь 2021, 13:50

"Коронавирустан үлгән кешеләрҙе һуңғы юлға оҙатырға барғанда үҙеңде нисек тоторға?”

Ошондай һорау менән гәзит уҡыусыларыбыҙ йыш ғына мөрәжәғәт итә. Был һорауға хажи Фәрит хәҙрәт Вәлиев аңлатма бирҙе.

"Коронавирустан үлгән кешеләрҙе һуңғы юлға оҙатырға барғанда үҙеңде нисек тоторға?”
"Коронавирустан үлгән кешеләрҙе һуңғы юлға оҙатырға барғанда үҙеңде нисек тоторға?”

 

  • Был ауырыу күптәрҙең яҡындарын алып китте, инде сабырлыҡтар бирһен. Мәхрүм булған кешеләрҙе тейешенсә хөрмәтләп ҡуйырға тейешбеҙ ҙә ул. Шундай ваҡытта йәшәйбеҙ бит, ни хәл итәһең.

Коронавирустан үлгәндәргә килгәндә, уларҙың кәүҙәләрен махсус ҡапсыҡтарҙа килтерәләр. Әлбиттә, мәрхүмдәрҙе моргта йыуып, әҙерләйҙәр. Уларҙы шулай уҡ ер ҡуйынына ҡуябыҙ.

Мәрхүмде оҙатырға килгәндәр тейешле һаҡланыу сараларын ҡулланһын ине: битлек, бирсәткә кейеү, аралыҡты һаҡлау мотлаҡ. Ҡайтҡас, ентекләп йыуынырға кәрәк. Тағы ла бер нимә бар – мәрхүмгә яҡын килмәүең хәйерле, уны ҡосаҡларға, үбергә кәңәш ителмәй. Ярҙамыбыҙ бик кәрәк булмаһа – бармаһаң да ярай. Һаҡланған хәйерлерәк бит.

Автор:Айгул Клысбаева
Читайте нас в