Ҡатын менән ир айырылыша, балалар зыян күрә...

Әсәлек капиталы ҡулланылмаған осраҡта, айырылышҡандан һуң балаларҙың атаһы сертификат буйынса аҡсаға дәғүә итә алмай. Әммә, әгәр ул аҡсаны тотоноу ысулы менән риза түгел икән, уның айырылышҡандан һуң да әсәнең маткапиталды ҡулланыуы һорауҙары буйынса балалары мәнфәғәтендә сығыш яһау хоҡуғы һаҡлана. Мәҫәлән, әсә кеше маткапиталды аҡсаға әйләндергәндә законһыҙ килешеү төҙөһә, атай кеше контролләүсе ойошмаларға йәки тейешле ғариза менән судҡа мөрәжәғәт итә ала.

Әсәлек капитал айырылышҡанға тиклем торлаҡ алыуға тотонолған булһа. Әсәлек капиталы юллағанда ҡатын күп документтарға, шулай уҡ нотариаль раҫланған йөкләмәгә ҡул ҡуя. Уның буйынса әсә ғаиләнең бөтә ағзаларына, шул иҫәптән маткапиталды ҡулланғандан һуң тыуған балаларға ла өлөш бүлергә тейеш. Был осраҡта атай кеше айырылғандан һуң бергә йәшәгәндә, бергә хужалыҡ алып барған ваҡытта сертификатҡа һатып алынған йортҡа өлөшөн талап итергә хоҡуҡлы.

Бергә хужалыҡ алып барған ваҡытта. Был аңлатма  юҡҡа ғына айырып алынманы. Әгәр ғаилә пары бергә йәшәмәй, әммә айырылышыуҙары документлаштырылмаған икән, ҡатынға, ғаилә формально һаҡланыуына ҡарамаҫтан, элекке ире ғаилә ағзаһы булмауын һәм уның капиталға һатып алынған торлаҡтың өлөшөнә хоҡуғы һаҡланмауын иҫбатларға тура киләсәк.

  Закон, әсә балаларына ҡарата ата-әсәлек хоҡуғынан  мәхрүм ителгәндә, йәки үлгәндә генә түгел, ә атай суррогат әсәй менән тыуҙырылған баланың берҙән-бер ата-әсәһе булып, ә ҡатыны бындай баланың уллыҡҡа алыусыһы тип һаналған осраҡта ла, сертификаттың атай кешегә бирелеү мөмкинлеген күҙаллай. Ҡатын айырылып, бындай балалар менән тороп ҡалған осраҡта, Әсәлек капиталын элекке иренән суд тәртибендә талап итергә тура киләсәк.