+28 °С
Болотло
ПРОИШЕСТВИЯ
8 Сентябрь 2022, 09:45
Эскән килеш руль артына ултырһаң...
"02" хәбәр итә!!! Эскән килеш автомобиль менән идара итеүҙең яҡшылыҡҡа алып килмәгәнен барыбыҙ ҙа аңлап торабыҙ. Алкоголь ҡулланып рулгә ултырғансы, водителдәр шуны уйлаһын ине, юлығыҙҙа уйламаған фажиғә килеп сығырға һәм унда кеше ғүмерҙәре өҙөлөргә мөмкин.
Рәсәй Эске эштәр министрлығының Ейәнсура районы буйынса бүлегенән хәбәр итеүҙәренсә, августа Иҫәнғол ауылында гр. С. һәм гр. Х. эскән килеш ҡабатлап авто менән идара ителгәндә тотолғандар.
Иҙелбәк-Казанка юлында гр. К. тарафынан юл-транспорт фажиғәһе ҡылына, һөҙөмтәлә уның пассажиры гр. Б. һәләк була.
Эскән килеш автомобиль менән идара иткән водителдәргә яза ҡаты, беренсе тапҡыр эләккәндә - 30 мең һум, икенсе тапҡыр эләккәндә 250 мең һумға тиклем штраф һалыу һәм бер йылға иректән мәхрүм итеү ҡаралған. Шулай уҡ ҡайһы бер вазифаларҙы биләү ике йылға тыйыла. Ә инде уның ғәйебе менән кеше һәләк булһа, төрмәгә ултырталар. Күреүебеҙсә, ауыҙға хужа булмауҙың - спиртлы эсемлектәр ҡулланғандан һуң рулгә ултырыуҙың хаҡы бик ҡиммәткә төшә, төҙәтелмәҫлек хаталарға алып килә.
Үҙегеҙҙе һәм яҡындарығыҙҙы һаҡлағыҙ! Ғүмер бер генә бирелә!
