Башҡортостан урмандарында янғындарҙы туҡтатыу дауам итә

Янғын һүндереүҙә яҡынса 350 кеше һәм 70 берәмек махсус техника ҡатнаша. Хәүефле урындарға көс һәм саралар йүнәлтелә.
Биш янғын локализацияланған: Хәйбулла, Ейәнсура, Йылайыр урман хужалыҡтарында һәм Учалы урман хужалығында ике осраҡ.

Әбйәлил урман хужалығындағы янғын әле лә һүндерелеү өҫтөндә — эште урындың бейек таулы булыуы ауырлаштыра.
Хәлде Урман хужалығы министрлығы даими контролдә тота.
8–28 сентябрҙә 13: Әбйәлил, Әүжән, Баймаҡ, Белорет, Бөрйән, Йылайыр, Ейәнсура, Инйәр, Кананиколь, Күгәрсен, Тирлән, Учалы һәм Хәйбулла урман хужалыҡтары территорияһында граждандарға урманға барыу, шулай уҡ транспорт менән инеү сикләнә. Сикләү ваҡытында ҡағиҙәне боҙғандар административ һәм енәйәти яуаплылыҡҡа тарттырыласаҡ.

 Фотола Әбйәлил районындағы янғын.

Фото: Минлесхоз.