Бөтә яңылыҡтар
Социаль өлкә
19 Сентябрь 2019, 11:11

Йәштәр интегеп йәшәргә теләмәй

Егеттәр өйләнмәй, ҡыҙҙар кәләш алмай тик йөрөй. Сөнки күбеһе тәүҙә диплом алырға, унан автомобиль, йорт һатып алырға, йәғни тормош һәм торлаҡ шарттарын яҡшыртырға тырыша. Туй үтеү менән фатир сисеп йәшәү, бала тыуғас, ипотека алып, уны йылдар буйы түләй алмай интегеү йәштәрҙе ҡурҡыта, сөнки ғаиләләрҙең тарҡалыуының төп сәбәбе - аҡса етмәү, ярлылыҡта йәшәү тимп аңлай улар.

Һуңғы 30 йылда илдә йәш кәләштәрҙең һаны 30 тапҡырға кәмегән. Был хаҡта Плеханов исемендәге Рәсәй иҡтисад университеты лабораторияһы мөдире Елена Егорова белдергән.

1990 йылдан 18 йәшкә тиклем кейәүгә сыҡҡан ҡыҙҙарҙың һаны 72 меңдән 4,6 меңгә тиклем кәмегән.

Йәшләй өйләнергә ашыҡмайҙар хәҙер: 1990 йылда ундайҙарҙың һаны 13 мең самаһы булһа, 2018 йылда 454 кенә булған.


Бөгөн Рәсәйҙә никахҡа 18 йәштән инергә мөмкин. Бәғзе муниципалитеттар, киҫкен сәбәптәре булғанда, был сикте 16 йәшкә тиклем төшөрөүе ихтимал.
Читайте нас в