Бөтәһе лә хәүефһеҙлек өсөн

“Хәүефһеҙ мөхит” программаһын ғәмәлен тормошҡа ашырыу сиктәрендә, муниципаль бюджет саралары иҫәбенә, Ҡаҙанболаҡ ауыл биләмәһенең ирекле янғын һүндереү командаһы өр-яңы янғын машинаһы – УАЗ автомобиле алды. Матди-техник базаның нығыуы иһә күптән көтөп алынған ваҡиға ине, ул халыҡ хәүефһеҙлеген тәьмин итеүгә йүнәлтелгән. Ул быға тиклем хеҙмәт итеп килгән, һәр ваҡыт төҙөкләндереүҙәр талап итеп торған иҫке ЗИЛ-131 янғын автомобилен алыштырҙы. Автомобиль йылытылған бокста урынлашҡан, әле үҙенең эшен башлаған да инде. Әлбиттә, янғын осраҡтары булмаһын, яңы автомобилгә эштәр әҙ булһын тип теләргә ҡала.