+13 °С
Болотло
Бөтә яңылыҡтар
Социаль өлкә
9 Апрель 2022, 15:30
Инвалидлыҡ тәғәйенләү тәртибе нисек үҙгәрәсәк?
2022 йылдың 1 июленән медицина экспертизаһын шәхси йәки ситтән тороп та үтергә мөмкин. Кәрәкле бөтә документтар медицина ойошмаларынан автоматик рәүештә медик-социаль экспертиза бюроһына киләсәк.Түбәндәге осраҡтарҙа ғына экспертиза бюроһына шәхсән барыу мотлаҡ:
- медицина тикшереүе мәғлүмәттәре табиптарҙың һығымталарына тап килмәгән осраҡта;
- махсус ҡоролма ярҙамында тикшереү үтергә кәрәк булғанда;
- пациент интернатта йәшәһә;
- шәхси реабилитация программаһын үҙгәртергә кәрәккән осраҡта.
2023 йылдың 1 июненән медик-социаль экспертиза бюроһы ҡарары менән риза булмағандар уны йәнә дистанцион форматта үтә ала.
2024 йылдың 1 ғинуарынан башлап ситтән тороп үткәрелгән экспертиза, кешенең шәхси мәғлүмәттәрен күрһәтмәйенсә, документтар буйынса уҙғарыла, хеҙмәткәрҙәргә граждандарҙың шәхси мәғлүмәттәрен ҡарау мөмкинлеге булмаясаҡ, ә йүнәлештәрҙе төбәктәр араһында мәғлүмәт системаһы бүләсәк.
Экспертиза йомғаҡтары буйынса мәғлүмәт инвалидлыҡ тураһындағы белешмәлә сағылыш табасаҡ.
Үрҙә һанап үтелгән ҡағиҙәләрҙең барыһы ла Рәсәй Хөкүмәте тарфынан индерелгән.
#Аңлатабыҙ_Башҡортостан
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.