Эшләмәгән хаҡлы ялдағыларҙың пенсияһының страховкалау өлөшө индексацияланасаҡ

Хеҙмәт министрлығы пресса хеҙмәте хәбәр итеүенсә пенсияның уртаса күләме 21 864 һумға тиклем етәсәк.

 Пенсия түләү өсөн Социаль фонд бюджетында 9.5 триллион аҡса һалынған, шул иҫәптән страховкалау өлөшөнә 9 триллион.

Йылдағыса пенсия күләмен индексациялау 1 ғинуарҙа үткәреләсәк.

Юғары инфляция шарттарында 2022 йылда пенсия күләмен бер нисә этапта хаҡтарҙың күтәрелеүенә ҡарап арттырыу ҡаралды.

2022 йылдың 1 ғинуарына уртаса страховкалы пенсия күләме 19 017 һум булһа, июлдә индексацияланғас, 20 864 һум тәшкил итте, яңы йылдан был һан 21 864 һум буласаҡ.