Ейәнсурала милли көрәш буйынса "Үҫәргән батыры - 2022" ярышы булып үтте

Бөгөн "Салауат" физкультура-сәләмәтләндереү комплексында милли көрәш буйынса  "Үҫәргән батыры - 2022" бәйгеһе булып үтте. Был ярыш быйыл "Наркотиктарға - ЮҠ!" девизы аҫтында районыбыҙҙың өс мәктәбенән, Күгәрсен районы уҡыусылары командаһын һәм  физкультура-сәләмәтләндереү комплексына көрәш секцияһына йөрөүсе үҫмерҙәрҙе берләштерҙе. 

Шуныһы әһәмиәтле - быйыл "Үҫәргән батыры" бәйгеһе тарихында беренсе тапҡыр ҡыҙҙар ҙа көс һынашты. 

25 кг башлап 70 кг һәм унан да ауырыраҡ категорияларҙа 70-ләп ҡатнашыусы булды. 

Һөҙөмтәлә, мәрәйҙәр һаны буйынса Муйнаҡ мәктәбе көрәшселәре беренсе урынға сыҡты, таҙларҙар -  - икенсе һәм   иҙелбәктәр өсөнсө булды.