Мәктәп спорт залдарында шөғөлләнергә рөхсәт!

Яңылыҡ республика милкендәге һәм тейешле объекттары булған барлыҡ белем биреү учреждениеларына ҡағыла. Исемлектә спорт һарайҙары, боҙ ареналары, спорт үҙәктәре, физкультура-һауыҡтырыу комплекстары, бассейндар, спорт майҙансыҡтары, спорт һәм уйын залдары, стадиондар бар.

Мәктәп һәм өҫтәмә белем биреү ойошмалары етәкселеге раҫлаған тәртип буйынса дәрестән тыш ваҡытта теләгән һәр кем спорт залдарында шөғөлләнә ала. Хеҙмәттәр бушлай, льготалы һәм түләүле булырға мөмкин.

Ҡарар президент Владимир Путиндың «2030 йылға тиклем Рәсәй Федерацияһы үҫешенең милли маҡсаттары тураһында» указына ярашлы ҡабул ителде.

Сығанаҡ: Башинформ.