Тыуған ил алдындағы бурыстарын үтәп, ауылыбыҙҙы гөрләтеп, бер-бер артлы дүрт егет әрме сафынан ҡайтып төштө. Уларҙы “Азамат” балалар баҡсаһына ҡунаҡҡа саҡырҙыҡ. Ҡыҙғанысҡа ҡаршы Виктор Егоров менән Ғәзинур Аҙнағолов осрашыуға килә алманы. Ә Илһам Аҙнағолов менән Филүз Ҡунаҡҡужин кескәйҙәр менән ихлас аралашты: нисек хеҙмәт итеүҙәрен һөйләне, аҡыллы кәңәштәр бирҙе.
– Армияға тик тырыш һәм сәләмәт егеттәрҙе генә алалар.
Шуға ла, малайҙар, бөгөндән әҙерләнә башлағыҙ! – тине ағайҙар.
– Беҙ ҙә үҫкәс һеҙҙең кеүек аҡыллы, батыр буласаҡбыҙ, әрмегә барасаҡбыҙ! – тип яуапланы буласаҡ һалдаттар.
Ана шундай өлгө алырҙай ағайҙары булғанда малайҙар батыр булып үҫеп етер ҙә, һис шикһеҙ, барырҙар! Тыуған илебеҙ көслө, аҡыллы, ҡыйыу егеттәр ҡулында булыр!
Зифа Аҙнағолова, тәрбиәсе.