Ҡуша барыр кәрәк булған, ултырғансы көнләшеп!

Аҙнабай Бәҙәмшин:

 Беҙҙекеләр ҡуҙғалдылар

Учалыға таң атҡас.

Ҡатындарын оҙатып ҡалды,

Ирҙәр менән һандуғас.

Сәлимә Йосопова:  

Беҙҙең район матурҙары

Учалыға юл алды.

Икенсе партияны көтөп,

Ҡалғандар тороп ҡалды.

Аҙнабай Б.:

Ҡатын-ҡыҙҙар китеп бара,

Йылмайып, көлә-көлә.

Улар кискә нисек ҡайтыр,

Шуныһын күрге килә.

Тәнзилә У:

Күрәлмайһың ҡайтҡандарын

Улар ҡайта төнләтеп.

Ҡуша барыр кәрәк булған,

Ултырғансы көнләшеп

Аҙнабай Б:

 Көнләшергә ваҡытым юҡ,

Мин Эйектең буйында.

Учалыға барыр инем

Әгәр булһа уйымда.  (Ярай, пока, балыҡ сиртә, ваҡыт юҡ...)

Фәниә Ғәйнуллина:

 Донъя, эш тип, арып бөткән

Йорт тауығы – бисәләр.

Пенсияға сығып алғас

Тетеп сәйәхәт итәләр.

Тәнзилә У:

Шаяртырға оҫта инде

Беҙҙең Аҙнабай ағай!

Шәләй-бәләй генә яҙма,

Таҡмаҡ сығар һин, давай!