-5 °С
Болотло
Бөтә яңылыҡтар
Телгенәм – бергенәм
31 Октябрь 2019, 22:02
Ҡаушап ҡалдым
Ҡапыл килгән ҡышҡа ҡаушап ҡалдым Октябрҙа уны көтмәнем. Көҙҙөң ҡалған көндәренә бүлеп Ниәт иткән эшем бөтмәнем. Мин бит ҡышты иртә көтмәнем... Ҡояш нуры көлөп уятҡанда Дауамы - сайтта
Ҡаушап ҡалдым
Ҡапыл килгән ҡышҡа ҡаушап ҡалдым
Октябрҙә уны көтмәнем.
Көҙҙөң ҡалған көндәренә бүлеп
Ниәт иткән эшем бөтмәнем.
Мин бит ҡышты иртә көтмәнем...
Ҡояш нуры көлөп уятҡанда
Тирә-яҡта ап-аҡ ҡар ине.
Ҡыш?Килдеңме?Ниңә улай иртә?
Таң атҡансы ҡалын ҡар ине..
Был ғүмер ҙә шулай, миҙгел кеүек
Әле генә ерҙә яҙ ине.
Ун етелә генә сағым минең
Күңелемдә тулы наҙ ине
Тик шул наҙҙар һаман аҙ ине..
Ашҡындырып ашыҡтырҙым үҙем,
Ғүмер миҙгелемдең толпарын.
Юрта-юрта яҙым,йәйем үтте
Онотҡандай алда көҙ барын
Ҡыуаланым һаман толпарым..
Яп-яланғас ҡалды аҡ ҡайындар,
Етемһерәп тора имәндәр.
Һалҡын беҙгә,аҡ мамыҡлы шәлгә
Урығыҙсы тиҙерәк,-тигәндәй.
Ҡышты гүйә тәүгә күргәндәй..
Ҡапыл килгән ҡышҡа ҡаушап ҡалдым,
Бәлки иреп бөтөр аҡ ҡарҙар?
Туҡта күңел, бойоҡмасы бушҡа
Ҡыш үтер ҙә,килер йәмле яҙҙар!
Бөрөләнер онотолған наҙҙар..
Хуш киләһең ҡышым, аҫыл ҡошом,
Ғүмерҙәрҙең иң саф миҙгеле!
Тирә-яҡ аҡ, күңелдәр пак булһын
Бәхеттәргә сорна иң элек!
Һәр миҙгелдән көтәм игелек..
Гөлиә Азаматова-Мөьминова.
Әбүләис ауылы- Усинск ҡалаһы
27 октябрь 2019 й.
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.