+12 °С
Ямғыр
Бөтә яңылыҡтар
Тормош һабағы
25 Октябрь 2019, 18:15
Һыу һораны минән бер ирекәй...
Был шиғыр үҙем менән булған хәлдән һуң яҙылды. Сорғот ҡалаһында эскән башҡорт ир-егеттәр күрһәм, шул тиклем әсенәм. Бәлки уйланырҙар, сәмдәренә тейер?! Һыу һораны минән бер ирекәй, Тамаҡ төбө ҡаты кипкәндер...
Был шиғыр үҙем менән булған хәлдән һуң яҙылды. Сорғот ҡалаһында эскән башҡорт ир-егеттәр күрһәм, шул тиклем әсенәм. Бәлки уйланырҙар, сәмдәренә тейер?!
Һыу һораны минән бер ирекәй,
Тамаҡ төбө ҡаты кипкәндер...
Үҙ үҙенә һыу ҙа табалмағас,
Эшкә тиеп ниңә килгәндер?
Йәлке түгел, һыу ҙа, икмәгем дә –
Мөлдөрәмә тулы көрөшкәм,
Бәһлеүәндәй йәп-йәш башҡорт егет
Араҡыға шулай бирешкән.
Көрөшкәне тота сайҡай-сайҡай,
Йөҙ генәһе уның ҡап-ҡара,
Төн уртаһы тимәй, миңә килеп,
Һыуын, тәмәкеһен таптыра...
Араҡы бит шундай зәһәр нимә,
Бәһлеүәндәй ирҙе бөтөрә,
Йыраҡ бул һин, егет, шул зәһәрҙән,
Төнөн хәйерселәп йөрөмә!
Фәнүзә Ғәлиева-Байсурина.
Сирғол ауылы – Сорғот ҡалаһы.
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.