Әгәр һин тыуған ереңдең патриоты икән - мотлаҡ гәзиткә яҙылырға тейешһең!

Һеҙ һүрәттә күргән Ғәли Байрамғол улы Сәлихов 1941 йылдан район гәзитен алдырып уҡый. "Ударсы", "Коммунизм өсөн", "Октябрь байрағы", "Ейәнсура таңдары"- гәзит исемен алыштырһа ла 87 йәшлек олатай уға тоғро. Үҙе лә ауыл хәбәрсеһе булараҡ республика съездарында махсус күп тапҡырҙар саҡырылып ҡатнашҡан, мәҡәләләрендә ауыл йәшәйеше өсөн кәрәкле мөһим объекттар проблемаһын күтәреп, уларҙы өлкә аша ыңғай хәл итергә өлгәшкән. Документтары араһында Мостай Кәрим шәхсән уға яҙған хатты ла ҡәҙерләп һаҡлай."Әгәр һин тыуған ереңдең патриоты икән - мотлаҡ гәзиткә яҙылырға тейешһең!" , - ти аҡһаҡал.