Һатыуға ла оҫталыҡ кәрәк шул!

Бер шулай тәжрибәле, байтаҡ йылдар ҡортсолоҡ менән шөғөлләнеп, инде баҙарҙарҙа хеҙмәт емешен һатыуға ла йышылып бөткән умартасы менән яңы ғына эш башлап йөрөгән йәш кеше Йылайыр баҙарына килгән. Былар икеһе бер тирәләрәк тора икән. Олоһо ҡарабойҙай, сәскә балы менән һатыу итә, ә икенсеһе – таҙа ғына йүкә балы. Һатып алыусылар килә, китә.Бер шулай бер урыҫ йәше янына килә лә, “ Ашҡаҙанға ҡайһы бал һәйбәтерәк икән, бына ауыртыңҡырап тора. Табиптар баллы һыу эс тип кәңәш бирәләр”, – тигәс, тәжрибәлеһе: “Уның бит йүкә балы, ул һыуыҡ тейгәнгә генә килешә. Бына ал ҡарабойҙайҙы, ул самый ашҡаҙан ауырыуҙарына дауа”, – тип үҙенең балын үткәреп ебәрә.