-4 °С
Болотло
Бөтә яңылыҡтар
Тормош һабағы
28 Декабрь 2020, 14:00
Район бәҫен күтәреп
Үтеп барған йыл бик ауыр булһа ла, һөйөнөргә сәбәптәре лә табылып тора. Әле бына “Байыҡ” республика телевизион конкурсында райондашыбыҙ, район мәҙәниәт йорто хеҙмәткәре Регина Шәрипованың Гран-при яуланы. Афарин! Еңеү, әлбиттә, еңел бирелмәгәндер. Ул юлды үткәндәр үҙҙәре генә белә.
Үтеп барған йыл бик ауыр булһа ла, һөйөнөргә сәбәптәре лә табылып тора. Әле бына “Байыҡ” республика телевизион конкурсында райондашыбыҙ, район мәҙәниәт йорто хеҙмәткәре Регина Шәрипованың Гран-при яуланы. Афарин! Еңеү, әлбиттә, еңел бирелмәгәндер. Ул юлды үткәндәр үҙҙәре генә белә.
хореограф Азамат ағай Кәримов тарафынан һалынды, уға бик рәхмәтлемен. Еңеүселәрҙе асыҡлау тура эфирҙа барҙы, жюри ағзаларының минең сығышымды төп призға лайыҡ тип табыуҙары –бик юғары баһа! Әлбиттә, был еңеү бер минеке генә түгел, сығыш яһағанда бейеүҙе музыкант егеттәр: Илһам Хәсәнов (ҡурай), Морат Оморҙаҡов (ҡумыҙ), Тимур Йәнсурин (баян) һәм Венер Килдейәров (думбыра) уйнаған көй аҫтында башҡарыуым – миңә сәхнәлә үҙемде ышаныслыраҡ, ҡыйыуыраҡ тоторға ярҙам итте. Был да жюри тарафынан юғары баһаланды, – тип һөйөнөстәре менән уртаҡлашты Регина Вәкил ҡыҙы.
Регинаның “Байыҡ”та беренсе еңеүе түгел. 2013 йылда ул етәкләгән “Оло Эйек” бейеүҙәр ансамбле “Үҫәргән Байығы”н бейеп (ҡуйыусы – Йәмил Йәнбәков) Гран-при яулауға өлгәшә. Хәҙер инде, үҙе әйтмешләй: “Бог любит троицу!” тигәндәй, тағы ла еңеүҙәр көтөп ҡалабыҙ!
Регина Шәрипованан ни өсөн бейеүсе булырға ҡарар итеүе тураһында һорашам.
Ундағы мәҙәниәт-ағартыу техникумына документтарын тапшыра, имтихандар бирә һәм студент булып китә. Бына шулай, тормош үҙ юлына төшөрөп тә ебәрә. Тәүҙә – техникум, унан 2011 йылда ситтән тороп Силәбеләге мәҙәниәт һәм сәнғәт академияһын тамамлай.
Әлеге ваҡытта бергә эшләгән класташы Гөлнара Түләбаева менән гел бер юлдан йөрөй улар. “Аграрныйға барһам, Гөлнара йөрөп ята. Аптырап киттем! Стәрлегә килһәм – тағы Гөлнара. Бергә уҡыныҡ, шөкөр, хәҙер бергә эшләп, бейеп йөрөйбөҙ”.
Бейеү юлынан китергә теләге әллә ни булмаһа ла, уға бейеүгә булған һәләт быуындан тапшырылғандыр, моғайын. Әсәһенең ҡәрсәһе бейергә яратҡан булған. Уның хатта Фәйзи Ғәскәров үҙенең ансамбленә бейергә алғандар, тик машинанан һикереп төшөп ҡалдым, тип һөйләгән ҡәрсәһе.
Әлеге ваҡытта Регина Вәкил ҡыҙы “Сәсән” эстрада-фольклор ансамбле етәксеһе, шулай уҡ “Милашки” 4 йәштән 8 йәшкәсә балалар ансамблен дә етәкләй. Хәҙерге пандемия осоронда кескәйҙәр менән тейешенсә шөғөлләнеү өҙөлөп тора, шулай ҙа видеолар ебәреп, онлайн эш алып барырға тырыша.
Тормош иптәше Тимур – Ғәббәс ауылы егете, күпселек ир-егеттәр кеүек Себер тарафтарында эшләй. Ялдарында улдары алты йәшлек Данияр һәм өс йәшлек ҡыҙы Сәфинәне тәрбиәләргә ярҙам итә. “Улыбыҙ сәнғәт мәктәбенә бейеүгә йөрөй, ҡыҙымды ла бирербеҙ тип уйлайым. Сәфинәлә бейеүгә һәләт ярылып ята: өйҙә үҙ алдына төрлө хәрәкәттәр уйлап сығара, үҙенсә бейеүҙәр һала, импровизациялай. Ҡыҙымды “Байыҡ” бейеү бәйгеһенә алып барырмын, тигән ҙур теләгем бар”. – Бына шундай пландар менән йәшәй Регина. Хыялдарҙы беҙ үҙебеҙ тормошҡа ашырабыҙ, таланттар ятып ҡалмаһын тигән теләктәбеҙ.
Был бәйгелә шулай уҡ Резеда Әбделғужина ла ҡатнашты. Ул лауреат исеменә лайыҡ булды. Алдағы көндәрҙә лә уңыштар насип булһын! Һеҙ районыбыҙҙың данын йәнә бер баҫҡысҡа күтәрҙегеҙ!
Айгөл Ҡылысбаева.аева.
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.