Суррогат араҡы юлы Өфөгә килтергән.

Ырымбур өлкәһендә суррогат араҡы эсеп һәләк булыусылар һаны 34-кә етте. 

Орск ҡалаһында Рәсәй эске эштәр министрлығы тарафынан үткәрелгән тикшеренеүҙәр һөҙөмтәһендә ағыулы эсемлек өсөн "ингибитр технический" исемле тутығыуға ҡаршы шыйыҡса эшләй торған техник спирт ҡулланылғаны асыҡлана. Уны енәйәтселәр Өфө ҡалаһынан спиртлы шыйыҡсалар һатыу менән рәсми рәүештә шөғөлләнеүселәрҙән алғандар.

Законһыҙ спиртлы эсемлектәр етештереүҙә ғәйепләнеп 15 кеше ҡулға алынған.

Бөтәһе суррогаттан 67 кеше зыян күргән, 24 кеше дауаханала ята.