Бөгөн - микро тулҡынлы мейестең тыуған көнө икән дә!

СВЧ-нурланышта матдәләр молекулаһы тиҙерәк хәрәкәт итә, һөҙөмтәлә температура күтәрелә. Микротулҡынлы энергия приборҙың тышына сыҡмағанлыҡтан (ризыҡты йылытҡанда ул ябыҡ була), бер зыяны ла юҡ. Тимәк, ҡурҡмайынса тотонорға була.

Нисек ҡулланырға була:

1. Киптерелгән аш тәмләткес үләндәрҙең тәмен яңыртып алырға теләһәгеҙ, 30 минутҡа уларҙы микротулҡынлы мейестә тотоу ҙа етә.
2. Иҫкергән икмәкте салфеткаға төрөп, яңыртып алырға ла була.
3. Миндаль емештәрен бер аҙ эҫе һыуҙа тотоп алғандан һуң, 30 секунд микротулҡынлы мейестә ҡыҙҙырһаң,  ҡабығы яҡшырыҡ әрселер.
4. Әфлисун менән грейпфрутты мейескә ҡуйып алғандан һуң уларҙың ҡабығы эсендәге аҡ тышсаһы еңел генә таҙартылыр.
5. Микроутулҡынлы мейес ярҙамында лимон һутын тамсыһына тиклем һығып алырға була.
6. Балыҡ ҡырҡҡан, йәшелсә-емеш тураған таҡтағыҙҙағы насар еҫ бөтмәһә, лимон һөртөп, «ҡыҙҙырып” алығыҙ.
7. Һауыт-һаба йыуған губканы дезинфекциялау өсөн был мейес үтә лә уңайлы!