56 мең кеше WorldSkills Russia стандарттары буйынса һөнәр алған да инде

Был йүнәлеш ҡайһы бер төбәктәрҙә бик популяр булып киткән. Адыгея, Карачаево-Черкесия һәм Новгород өлкәләрендә WorldSkills Russia стандарттары программаһында ҡатнашыу өсөн бик күптәр ғаризалар биргән. Күберәк социаль хеҙмәткәр, парикмахер, ашнаҡсы һөнәрҙәре, график дизайнер, веб-технологиялар йүнәлештәре буйынса уҡырға теләк белдергәндәр. 

Беҙҙең райондан да уҡыусылар был пограмма буйынса Өфөлә үткән "Йәш профессионалдар" VII төбәк чемпионатында ҡатнаштылар. Мәрйәм Бураҡаева исемендәге гимназия-интернат уҡыусыһы Ғәббәсова Нәркәс парикмахерлыҡ сәнғәте буйынса беренсе урынды яулаһа, 2-се мәктәптән Ҡылысбаев Рушан һәм Хунафина Вилена ландшафт дизайны буйынса икенсе урынды алды. Шул уҡ мәктәптән ашнаҡсылыҡ йүнәлешендә Әхмәҙиева Регина ла икенсе урынды алды.