Бөтәһе лә ял итә, ә улар эшләй

Яңы тыуған йыл ҡар-бурандар менән башланып китте. Торлаҡ-төҙөлөш коммуналь хужалыҡ кампанияһы эшселәренә мәшәҡәт өҫтәлде. Бөтәһе лә байрам айҡанлы оҙайлы ялға киткәндә улар төн уртаһынан тороп юлдарҙы таҙартырға сығалар. Икенсе ғинуарҙан башлап таң менән 7 берәмек техника: грейдерҙар, Камаздар, тейәгес тракторҙар һәм Мтз -82 тракторҙары Иҫәнғол ауыл биләмәһенә ҡараған ауылдарҙа юлдарҙы ҡарҙан таҙарта. Был эштәрҙе Фәнил Ильясов, Айнур Ноғоманов, Ирназар Байғусҡаров, Роберт Яубаҫаров, Дмитрий Порватов, Владимир Квасов, Вадим Квасов үҙҙәренә беркетелгән техникала башҡара.

Бөтәһе лә ял итә, ә улар эшләй