Ваҡытлыса юлға сыҡмай торорға кәңәш итәләр

Өфө — Ырымбур трассаһында ваҡытлыса хәрәкәт сикләнде. Төшкө сәғәт өсөнсө яртыла һауа шарттары насарайыу сәбәпле, федераль трассаның 41-се саҡрымынан 90-сы саҡрымына ҡәҙәр юл ябылды, йәғни Ҡырмыҫҡалы районының Иҫке Муса, Ауырғазы районының Кәбәс ауылдары эргәһендә. Был участкала пассажир автобустарына, маршрут таксиһына, йөк автомобилдәренә хәрәкәт итеү тыйыла. Шулай уҡ Силәбе өлкәһендә М-5 трассаһында да урыны менән хәрәкәтте сикләгәндәр.

Башинформдан.