Шаурма ашатмаған өсөн...

Был хәл Өфөнөң Мостай Кәрим урамында булған. Ағалы-ҡустылы киоск янында шаурма ашап торғанда эргәләренә таныш булмаған ир килгән дә һыйлауҙарын һораған. Егеттәр баш тартҡас, теге әҙәм йоҙроҡтарын эшкә еккән. Ыҙғыш ваҡытында ир пистолетын сығарып, туғандарҙың береһенә атҡан. Күкрәге яраланған, сәтәкәй бармағы һынған егетте 13-сө дауаханаға алып киткәндәр. Һөжүм иткән ирҙе эҙләйҙәр.