Ейәнсуралар тынлыҡ минуты акцияһына ҡушылды

Бөгөн Башҡортостан территорияһында сәғәт 11-ҙә “Фашизмға ҡаршы көрәштә һәләк булғандарҙың яҡты иҫтәлегенә” дөйөм республика акцияһы үтте.

Республиканың меңәрләгән кешеләре – хеҙмәт коллективтары, ойошмалар, мәктәптәр бер үк ваҡытта Бөйөк Ватан һуғышының үлемһеҙ геройҙарына ихтирам йөҙөнән акцияға ҡушылды. Сара тура эфирҙа “БСТ” каналында трансляцияланды.

Акцияла Ейәнсура районы ойшмалары, учреждениелары һәм предприятиелары коллективтары ла ҡатнашты.