Ике һунарсы сатлама һыуыҡта урманда юғалған

Башҡортостандың Ғәҙәттән тыш хәлдәр буйынса дәүләт комитеты мәғлүмәттәре буйынса, Система-112 хеҙмәтенә кисә кис Белорет районында ике ир көндөҙгө сәғәт 3-тә һунар һуҡмаҡтарын тикшерергә китеүе һәм туғандары менән бәйләнешкә сыҡмауы тураһында хәбәр иткәндәр.

Уларҙы эҙләү өсөн ҡотҡарыусылар йүнәлтелгән. Ирҙәрҙе төндә генә тапҡандар һәм урмандан эвакуациялап, туғандарына тапшырғандар.

Фото:госкомитет РБ по ЧС